रिमा विश्वकर्माको लेखन तथा निर्देशन रहेको फिल्म ‘हेल्लो काँशीराम’ सेन्सर पास भएको छ । आगामी जेठ २ गतेबाट देशभर प्रदर्शनमा आएको फिल्मलाई केन्द्रीय जाँच पास समिति (सेन्सर बोर्ड) ले युनिभर्सल सर्टिफिकेट (सबैले हेर्न मिल्ने) दिँदै प्रदर्शनका लागि पास गरेको हो ।
शनिबार भएको सेन्सरमा फिल्मले उत्कृष्ट प्रतिक्रिया समेत पाएको निर्देशक विश्वकर्माले जानकारी दिए । कमेडी शैलीमा निर्माण भएको फिल्म भित्रको कथाको रहस्य भने दर्शकले प्रदर्शन भएपछि थाहा पाउनेछन् । ‘सेन्सर बोर्डका सदस्यहरूले समग्रमा फिल्मलाई राम्रो रेटिङ दिनुभयो । यसले निकै खुसी बनाएको छ’ निर्देशक विश्वकर्माले भने ।
रेडलाइन फिल्मस् प्रालिको ब्यानरमा निर्माण भएको यस फिल्मको लेखन समेत निर्देशन विश्वकर्माको हो । फिल्मलाई पीबी थापाले बनाएका हुन् । इम आलेले खिचेको फिल्मको लगानी डेढ करोड पुगेको बुझिएको छ । फिल्मलाई मित्र डी.गुरुङले सम्पादन तथा रङ्ग संयोजन गरेका छन् ।
फिल्ममा दिलीप रायमाझीसँगै वरिष्ठ कलाकारहरू सुरवीर पण्डित, रामचन्द्र अधिकारी, सुशील पोखरेल देखिने छन् । त्यस्तै, हालका चर्चित हास्य कलाकार उमेर राई (फुलन्देको आमा), भगेरी डन, नवज्योति रसाइली, सुमन खाँण, अजय न्यौपाने, सरोज केसी, उमेश मायालु, विवेश पुरी लगायतका कलाकारहरु पनि फिल्ममा देख्न पाइनेछ ।
यस फिल्ममा चर्चित अभिनेत्री प्रियंका कार्कीको समेत विशेष भूमिका रहेको निर्माण टिमले जनाएको छ । फिल्मको नृत्य निर्देशन कविराज गहतराजले गरेका हुन् । द्वन्द्व निर्देशन शङ्कर महर्जनले गरेका छन् भने सङ्गीत संयोजन नरेन्द्र वियोगी र विपिन आचार्यले गरेका छन् ।
निर्देशक विश्वकर्माले यसअघि ‘नेपाली वीर’, ‘सम्झिराख है’, ‘रेलिमाई’ लगायतका फिल्महरू निर्देशन गरिसकेका छन्, उनका फिल्महरूले नेपाली मौलिक कथावस्तु, समाजका वास्तविकता प्रस्तुत गर्ने गरेका छन् ।
-1743587237.jpg)
-1743576229.jpg)
-1743659611.jpg)
-1743403207.jpg)
