कुलमानलाई हटाएको विरोधमा कलाकार असन्तुष्ट

विविध

गृहपृष्ठ
विविध
कुलमानलाई हटाएको विरोधमा कलाकार असन्तुष्ट

कुलमानलाई हटाएको विरोधमा कलाकार असन्तुष्ट

मंगलबार, चैत ११, २०८१ रंगसंसार

देशलाई लोडसेडिङबाट मुक्त गराएका नेपाल विद्युत प्राधिकरणका कार्यकारी निर्देशक कुलमान घिसिङलाई सोमबार बसेको मन्त्रिपरिषद् बैठकले बर्खास्त गरेपछि यतिबेला चौतर्फी विरोध भइरहेको छ । नेतादेखि कलाकारसम्मले सामाजिक सञ्जालमार्फत कुलमानलाई हटाइएकोमा आपत्ति जनाएका छन् ।

अभिनेता हरिवंश आचार्यले फेसबुकमा कुलमानसँगको एक तस्वीर सेअर गर्दै लेखेका छन्, ‘कुलमान नेपाली कुलकै उज्यालो हुन् । अन्धकार बनाउन हुँदैन थियो ।’ उनको स्टाटसको कमेन्टमा धेरैले सरकारको आलोचना गरेका छन् । कसैले ‘सालोको अगाडि कुलमान कालो’ भन्दै व्यंग्य गरेका छन् भने कसैले कुलमान हट्नु देशको लागि दुर्भाग्य भन्दै दुःख व्यक्त गरेका छन् ।

कुलमानलाई हटाइएकोमा कलाकार केदार घिमिरे ‘माग्ने बुढा’ले पनि सरकारप्रति व्यंग्य गर्दै फेसबुकमा लेखेका छन्, ‘कुलमानलाई भुलमान । सालोलाई पालो ।’ उनले स्टाटसको कमेन्टमा आफैंले गाएको ‘मन्त्रीज्यूको सालो’ गीतको सानो अंश पनि राखेका छन् ।

kulman ghising

त्यस्तै, निर्देशक तथा अभिनेता निश्चल बस्नेतले अब भ्रष्टहरुको पतन कसैले रोक्न नसक्ने बताएका छन् । उनले फेसबुकमा लेखेका छन्, ‘अनेक गरेर कुलमानलाई हटाएछन् । सायद भ्रष्टहरुको पतन अब कसैले रोक्न सक्दैन । अब धेरै भयो ।’ उनकी श्रीमती तथा अभिनेत्री स्वस्तिमा खड्काले पनि फेसबुकमा कुलमानको तस्वीर राख्दै ‘गणतन्त्र !’ भनेर लेखेकी छन् ।

अभिनेत्री तथा निर्मात्री नीता ढुंगानाले कुलमानलाई प्राधिकरणबाट निकाल्नेले कालो दिन देख्नेछ भनेर फेसबुकमा उल्लेख गरेकी छन् । अभिनेता तथा कमेडियन हिमेश पन्तले सरकारको काम बत्ति बालेर खोज्दा पनि नभेटिएकाले कुलमानलाई हटाएको भन्दै व्यंग्य गरेका छन् । अभिनेताहरु कृष्ण मल्ल, रमेश उप्रेती लगायतले पनि कुलमानलाई हटाइएकोमा विरोध जनाएका छन् ।

प्रकाशित मिति: मंगलबार, चैत ११, २०८१ १२:४७

प्रतिक्रिया दिनुहोस्