संगीतबाट ‘ब्रेक’ लिएकी रकगायिका अभयाले ल्याइन् ‘सँधैभरि’

म्यूजिक

गृहपृष्ठ
म्यूजिक
संगीतबाट ‘ब्रेक’ लिएकी रकगायिका अभयाले ल्याइन् ‘सँधैभरि’

संगीतबाट ‘ब्रेक’ लिएकी रकगायिका अभयाले ल्याइन् ‘सँधैभरि’

सोमबार, माघ २८, २०८१ रंगसंसार

१४ डिसेम्बर, २०२४ मा रकगायिका अभया सुब्बाले फेसबुकमा लेखिन्- मैले संगीतबाट ब्रेक लिइरहेकी छु । कहिलेकाहीं संकल्प पनि आफैलाई भारी पर्न सक्छ भनेर महसुस गरिँन । यस बीचमा म केवल यात्रा गर्नेछु र अन्य जुनून फेला पार्नेछु, जुन मैले संगीतको कारण छुटाएको हुनसक्छु ।’ गायिकाले लगातार पोखरा आसपासमा घुमघामका फोटो सेयर गर्दै जीवन र जगतबारेका गहन स्टाटस लेखिरहेकी थिइन् । नेपाली रकस्टारले एकाएक संगीतबाट ब्रेक लिन्छु भनेर स्टाटस लेख्दा फ्यान स्तब्ध थिए ।

यस्तोमा, अभयाको ब्याण्ड ‘अभया एण्ड स्टिम इन्जिन्स’लाई लिएर नयाँ खबर छ । ब्याण्डको नयाँ गीत ‘सँधैभरि’ युट्युव, स्पोटीफाई र एप्पल म्युजिकमा एकसाथ रिलिज भएको छ । ब्याण्डले गीत ल्याएसँगै फ्यान उत्साहित छन् । ब्याण्डको परिचित शैलीमा आएको गीतमा कार्म, नीति शाहजस्ता चर्चित कलाकार फिचर्ड छन् ।

काठमाडौंभित्रका आकर्षक लोकेसनमा छायांकन गरिएको गीतको अडियो जति मर्मस्पर्शी र आत्मपरक छ, उति नै यसको कोरियोग्राफी आकर्षक छ । गीतको कम्पोज अभया आफैले गरेकी हुन् । गिटारमा राजिव रिन्चेन पाल्जार, बासमा यज्ञ लामा, किजमा सन्देश डीसी, सेक्सोफोनमा जेम्स सिंह, सारंगीमा धर्म गन्धर्व छन् । अभया सुब्बाको सशक्त आवाज त भैहाल्यो, यसमा कार्म र नीतिको जोडीको उपस्थितीले भिडियोलाई आकर्षक तुल्याएको छ । ‘अभया एण्ड द स्टिम इन्जिन्स’ तिम्रो लागि, माझी दाइ, हावाहुरीजस्ता चर्चित गीतका लागि परिचित छ ।

प्रकाशित मिति: सोमबार, माघ २८, २०८१ ११:३०

प्रतिक्रिया दिनुहोस्