हरिवंश आचार्य स्टारर फिल्म ‘हरिबहादुरको जुत्ता’को प्रदर्शन मिति तय: दशैंमा आउने

फिल्म

गृहपृष्ठ
फिल्म
हरिवंश आचार्य स्टारर फिल्म ‘हरिबहादुरको जुत्ता’को प्रदर्शन मिति तय: दशैंमा आउने

हरिवंश आचार्य स्टारर फिल्म ‘हरिबहादुरको जुत्ता’को प्रदर्शन मिति तय: दशैंमा आउने

आइतबार, माघ २७, २०८१ रंगसंसार

हरिवंशले सामाजिक संजालमार्फत यो फिल्म आगामी दशैंको फूलपातिमा आउने उल्लेख गरेका छन् । निर्माता सरोज ओलीले वितरण कम्पनी ब्यांकटेस इन्टरटेनमेन्टसँगको सहमतिमा फिल्म दशैंमा ल्याइने तय भएको जनाए । दीपेन्द्र के खनालले निर्देशन गरिरहेको यो सोसल कमेडी ड्रामाको छायांकन हरिवंशको जन्मथलो काभ्रेको पनौती क्षेत्रमा भैरहेको छ ।

फिल्म दशैंमा आउने जनाउँदै हरिवंश लेख्छन्- ‘हरिबहादुर पनि जुत्ता फुकालेर यसपालीको दशैंमा (फूलपाति) टीका लगाउन आउने भो ।’ यो फिल्ममा मुरलीधर प्रकाश सपुत, स्वस्तिमा खड्का, प्रियंका कार्की, किरण केसीको पनि अभिनय छ ।’ यसअघि दशैंमा रोहित अधिकारीको ‘माइतीघर’, परिच्छेद सेनको ‘महाराजधिराज’, षट्कोण आर्ट्सको अनटाइटल फिल्म र सुशिल पोखरेलको ‘परालको आगो’ले औपचारिकरुपमा प्रदर्शन मिति घोषणा गरेका छन् । दीपकराज गिरी, विराज भट्ट, सन्तोष सेन, अशोक शर्मा लगायतले पनि फिल्म दशैंमा ल्याउने बताएपनि यसबारे टुंगो छैन ।

प्रकाशित मिति: आइतबार, माघ २७, २०८१ १२:५३

प्रतिक्रिया दिनुहोस्