‘घरज्वाइँ’ समूहले घोषणा गर्‍यो ‘मितज्यू’

फिल्म

गृहपृष्ठ
फिल्म
‘घरज्वाइँ’ समूहले घोषणा गर्‍यो ‘मितज्यू’

‘घरज्वाइँ’ समूहले घोषणा गर्‍यो ‘मितज्यू’

सोमबार, माघ २१, २०८१ रंगसंसार

यस वर्षको व्यावसायिक रुपमा सफल फिल्म ‘घरज्वाइँ’को निर्माण समूहले नयाँ फिल्मको घोषणा गरेको छ । सोमबार सरस्वती पूजा (वसन्त पञ्चमी)को अवसर पारेर थिम पोस्टरमार्फत् ‘मितज्यू’ शीर्षकमा फिल्म निर्माण हुने जानकारी गराइयो । फिल्मलाई जनक घर्ती मगरले निर्माण र अनिल बुढा मगरले निर्देशन गर्नेछन् । पेन्टिङमार्फत् तयार पारिएको थिम पोस्टरमा दुई पात्रलाई सामान बोक्ने भ्यानको अगाडिको भागमा पञ्जा जुधाइ खेलिरहेको देख्न सकिन्छ । भ्यानको छतमा खसी, कुखुरा, डोको, बियरको बोत्तल जस्ता चिज छन् ।

पृष्ठभूमिमा पहाडी भूगोल देखिन्छ । फिल्मले ग्रामीण परिवेशमा आधारित भएर आदिवासी जनजाति समुदायमा प्रचलित मितेरी साइनोको कथा भन्ने पोस्टरबाट बुझ्न सकिन्छ । अर्को वर्ष छायांकनको तयारी गरिएको फिल्ममा कलाकारहरु भने निश्चित भएका छैनन् । महेश राईको लेखन रहेको फिल्मको प्रोडक्सन कन्ट्रोलरमा धन बहादुर राई छन् । पेन्टिङ पोस्टर पुष्प आले मगरले तयार पारेका हुन् । फिल्मको निर्माण घोषणासँगै प्रदर्शन मिति पनि तय गरिएको छ । पोस्टरमा उल्लेख भएअनुसार आगामी वर्ष (२०८२)को चैत २७ गतेबाट फिल्म प्रदर्शनमा आउनेछ । फिल्म निर्माणमा जिएम मूभिज प्रोडक्सनले एबीएम सिने प्रोडक्सनसँग सहकार्य गरेको छ ।

प्रकाशित मिति: सोमबार, माघ २१, २०८१ १४:३२

प्रतिक्रिया दिनुहोस्