गायिका एलिना गुरुङ ‘वाईवाई नेपाल स्टार’

विविध

गृहपृष्ठ
विविध
गायिका एलिना गुरुङ ‘वाईवाई नेपाल स्टार’

गायिका एलिना गुरुङ ‘वाईवाई नेपाल स्टार’

सोमबार, माघ १९, २०७७ रंगसंसार

नेपाल टेलिभिजनबाट प्रसारण भएको गायनमा आधारित रियालिटी शो ‘वाईवाई नेपाल स्टार’को उपाधि पोखराकी गायिका एलिना गुरुङले जितेकी छिन् ।शनिबार सम्पन्न ग्राण्ड फिनालेमा एलिनाले उपाधिसंगै नगद ३५ लाख रुपैयाँपुरस्कार सहितको उपाधि जितेकी हुन् ।

प्रतियोगिताक सुरेश लामा, लक्ष्मण लिम्बु तथा सन्देस बम्जन लामा उपविजेता बन्न सफल भए । उनीहरुले नगद पाँच लाख रुपैयाँ पाए । संगीतकार आलोक श्री, गायक रामकृष्ण ढकाल तथा गायिका अन्जु पन्त उक्त शोको निर्णायकको रुपमा रहेका थिए । उपाधि जिते लगत्तै गायिका गुरुङले आफ्नो फेसबुक पेजमा एउटा स्टाटस लेख्दै आफूलाई नेपाल स्टार बनाउन सहयोग गर्ने सबैलाई धन्यवाद दिएकी छिन् ।

उनले लेखेकी छिन्–‘मलाई नेपाल स्टार बनाउन सहयोग गर्ने सबैमा धेरै धेरै धन्यवाद । यहाँहरुकै अमूल्य भोटले आज म नेपाल स्टारको पहिलो संस्करणको बिजेता बन्न सफल भएकी छु । तपाईंले गरेको भोटको म कहिले पनि गुण लगाउन सक्दिन होला, तर सधैं आफ्ना गीत–संगीतले आफूलाई अगाडि राख्ने छु । धेरै धेरै धन्यवाद हजुर ।’

शोका निर्णायक रामकृष्ण ढकालले पनि गायिका गुरुङसंगथको तस्बिर शेयर गर्दै फेसबुबका बधाइ दिएका छन् । ढकालले लेखेका छन्– ‘नेपाल टेलिभिजनद्वारा प्रसारित पहिलो वाईवाई नेपाल स्टारकी बिजेता एलीना गुरुङलाई सफल सांगीतिक जीवनको शुभकामनासहित हार्दिक बधाई ज्ञापन गर्दछु ।’

प्रकाशित मिति: सोमबार, माघ १९, २०७७ १३:३०

प्रतिक्रिया दिनुहोस्