कमल एक्चै मगरको निर्देशनमा बनेको फिल्म ‘शिरफूल’ प्रदर्शनमा आउने भएको छ । केहि बर्ष अघि निर्माण भएको फिल्म असार ७ गतेबाट प्रदर्शनमा आउने भएको हो ।
अहिलेको बढ्दो आधुनिकताको प्रभावसँगै युवा पुस्तामा देखिएको सांस्कृतिक विकृतिलाई पनि चित्रण गर्ने प्रयास गरिएको फिल्ममा रुपा राना, राज थापा, देवराज आले, विनिता थापा, सुनिल रोका, नमिता तामाङ, पुजा गदाल, लिला गुरुङ, निता पुन, किरण मगरलगायतको अभिनय रहेको छ ।
राजु थापा, डिपी खनाल र कृष्ण केसीको शब्द, हरि लम्साल र देवराज आले मगरको संगीत, देवराज आले मगरको कथा, निरोज श्रेष्ठको छायांकन र मिलन श्रेष्ठको सम्पादन छ ।
आशिर्वाद पुन मगर र माया छन्त्याल पुनको लगानीमा बनेको फिल्मको पटकथा संवाद राज थापा र राजु युगिनले लेखेका हुन् ।
फिल्मका गीतमा तारा श्रीस,आर्जन पाण्डे, हरि लम्साल, मेलिना राई देवराज आलेले स्वर दिएका छन् । फिल्ममा अभिनेत्री मरिस्का पोखरेलको बिसेष भूमिका रहेको छ । फिल्मलाइ आर आर फिल्म्सले देशभर वितरणको जिम्मा लिएको छ। निर्देशक कमलको निर्देशनमा यस अघि फिल्म डेसान प्रदर्शनमा आइ सकेको छ ।
