अभिनेत्री साम्राज्ञी शाह अभिनित फिल्म ‘लण्डन टु पेरिस’को टिजर सार्वजनिक भएको छ । २ मिनेट लामो टिजर फ्रान्सको प्रसिद्ध आइफिल टावरदेखि सुरु हुन्छ ।
लण्डनबाट घुम्दै पेरिस पुगेका दुई युवायुवतीको रोमान्स, नोकझोक र विछोडको कथा यसमा समेटिएको छ । टिजरको केन्द्रमा साम्राज्ञीसहित डेब्यु एक्टर निश्चल खड्का फिचर्ड छन् । फिल्ममा गरिमा शर्मा, कविर खड्का लगायतका सहायक कलाकार पनि छन् ।
गौतम प्रोडक्सन र अर्किड भेस फिल्म्स प्रालिसँगको सहकार्यमा यो फिल्मलाई एबी इन्टरनेसनलले निर्माण गरेको हो । कथा, पटकथा र संवाद प्रदीप भारद्वाजले लेखेका हुन् । अमित बस्नेतले निर्माण गरेको फिल्ममा आरोन बस्नेत, एरियाना बस्नेत र परी राना निर्माता छन् ।
जेठ २५ गते रिलिज हुने फिल्ममा सनिश खकुरेल र अजित केआर थापा सह-निर्माता रहेका छन् भने अंकित गौतम, सुरज कुँवर र विजय भण्डारी कार्यकारी निर्माता छन् ।
फिल्ममा अभेद परव र कुनाल कदमको डिओपी, हर्कुलश बस्नेत, एसडी योगी, बियोण्ड र सलिन मगरको संगीत, सजु चन्द्रनको सम्पादन, सुजिल कर्माचार्यको पाश्र्व संगीत, लङ्गनेस फर्नान्डेजको कोरियोग्राफी छ । रोहित कट्टेल र रत्न श्रेष्ठको आरआर फिल्मस्ले फिल्मलाई नेपालभर वितरण गर्नेछ ।
