रेअर राइ र नीति शाह मुख्य भूमिकामा रहेको फिल्म ‘खजुरे ब्रो’को गीत सार्वजनिक गरिएको छ । सार्वजनिक ‘मैले फकाएर मात्र’ बोलको गीतमा अनमोल गुरुङको शब्द, संगीत र स्वर रहेको छ । गीतमा रिकेश गुरुङको संगीत संयोजन रहेको छ । सार्वजनिक गीतमा फिल्म मुख्य पात्र रेअर राइ र नीति शाह फिचर्ड छन् ।
आगामी शुक्रबार अर्थात् बैशाख २८ गतेबाट प्रदर्शनमा आउने फिल्ममा नवीन मानन्धर, महेश त्रिपाठी, विनीता थापा, पुष्कर कार्की, प्रकाश भुजेल, मनिष राउत, प्रेम सुब्बा, सुजाता राई, दीपचन्द्र राई, शान्तिला तामाङ लगायतको अभिनय रहेको छ ।
सुरज सुनुवार निर्देशित फिल्म दिव्य दृश्य इन्टरटेन्मेन्टले मान्द्रो प्रोडक्सन र मल्टी प्रपोज प्रालिसँगको सहकार्यमा निर्माण गरेको हो । नवीन मानन्धर र सुरज सुनुवार निर्माता रहेको फिल्ममा सुनिल श्रेष्ठ, अनिल मानन्धर र पिकेश मानन्धर सह-निर्माताको रुपमा रहेका छन् ।
डायमण्ड उप्रेती कार्यकारी निर्माता रहेको ‘खजुरे ब्रो’लाई शिशिर बिशंखेले खिचेका हुन् । फिल्ममा मित्र डी गुरुङको सम्पादन, अनमोल गुरुङको संगीत समावेश छ । रोहित रत्नको आरआर फिल्मस्ले सिनेमा वितरणको जिम्मा लिएको छ ।
