उपेन्द्र सुब्बाको लेखन एवं निर्देशन फिल्म 'मनसरा' को बुधबार बेलुका ललितपुरमा प्रिमियर गरिएको छ । क्युएफएक्स सिनेमाज लबिम मलमा प्रिमियरमा फिल्मको टिमसहित थुप्रै सेलिब्रिटीको सहभागिता थियो । प्रिमियरमा यो फिल्मले राम्रो प्रतिक्रिया पाएको छ । कथा, प्रस्तुति, कलाकारहरूको काम राम्रो लागेको फिल्मकर्मीहरूले प्रतिक्रिया दिएका छन् ।
प्रिमियरमा फिल्म हेर्ने धेरैले सामाजिक सञ्जालमा फिल्म उत्कृष्ट रहेको प्रतिक्रिया दिएका छन् । । एकल महिला र निसन्तान पुरुषबिचको कथा बोल्ने फिल्ममा गायक सत्यराज आचार्य र कवि विप्लव प्रतीकको विशेष भूमिकामा छन् ।
निर्देशम मीन भाम, निर्माता रवीन्द्र सिंह बाँनिया, कवि विप्लप प्रतिक, गायक सत्यराज आचार्य, गायक तथा संगीतकार कालीप्रसाद बास्कोटा, अभिनेता कार्म, अभिनेत्री मलिका महत, परिक्षा लिम्बु, पोयट आइडलका निर्देशक अनम प्रताप अधिकारी लगायत पनि प्रिमियरमा पुगेका थिए ।
'मनसरा' मा दयाहाङ राई, मिरूना मगर, प्रविण खतिवडा, मेनुका प्रधानका अलावा हेमन्त बुढाथोकी, शान्ति गिरी, नेनहान राईलगायत कलाकारहरूको अभिनय छ। छायांकारसमेत रहेका शैलेन्द्र ध्वज कार्की फिल्मका निर्माता हुन् ।
कबड्डी फिल्मस्को ब्यानरमा निर्माण भएको फिल्मका निर्माता छायाकार शैलेन्द्र ध्वज कार्की हुन् । विष्णु कुमार लिम्बू मनोरथ पोखरेल, पर्शु अधिकारी, पिटर गुरुङ तथा जीवन लिम्बु थाक्लुङ सह–निर्माता रहेको फिल्म भोली शुक्रबारबाट देशभर सार्वजनिक प्रदर्शनमा आउँदैछ ।
मिश्रित समाजको कथा प्रस्तुत गर्ने यो फिल्म शुक्रबारदेखि प्रदर्शनमा आउँदैछ ।
