खजुरे ब्रोले आफ्नो पहिलो गीत लभ गर्ने मान्छे सार्वजनिक गरेको छ । राजधानीमा एक कार्यक्रम गर्दै फिल्मले गीत सार्वजनिक गरेको हो ।
भट्टीको सेटिङमा गीतको भिडियो तयार पारिएको छ । भिडियोमा फिल्मका प्रमुख पात्र खजुरे बनेका रियर राई तथा महेश त्रिपाठीका साथमा अन्य कलाकारहरु फिचर छन् ।
सार्वजनिक गीतमा अनमोल गुरुङको शब्द तथा संगीत रहेको छ । यस्तै गीतमा संगीतकार अनमोल र अनुपम गुरुङसँगको संयूक्त स्वर रहेको छ ।
वैशाख २८ गते रिलिज हुने फिल्मका लेखक-निर्देशक सुरज सुनुवार हुन् । यही फिल्मबाट नीतिले नेपाली रजतपटमा डेब्यू गर्दैछिन् ।
फिल्ममा नीति, रेयर तथा महेशका अलावा नविन मानन्धर,प्रकाश भुजेल,बिनिता थापा मगर,सुष्मा निरौला, पुस्कर कार्की,मनिष राउत,प्रेम सुब्बा, सुजाता राई,शान्तिला तामाङ, पवन लिम्बु, दीप चन्द्र राई लगायतको अभिनय रहेको छ ।
दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोज प्रालिसँगको सहकार्यमा निर्माण भएको फिल्मका निर्माता नविन मानन्धर तथा सुरज सुनुवार हुन् । अनिल मानन्धर र पिकेश मानन्धर यसका सहनिर्माता हुन् भने डायमण्ड उप्रेती कार्यकारी निर्माता रहेका छन् ।
खजुरे ब्रोमा शिशिर विशंखेको छायाँकन तथा मित्र डि गुरुङको सम्पादन रहेको छ । अनमोल गुरुङ फिल्मका संगीतकार हुन् । फिल्मलाई रोहित तथा रत्नको आरआर फिल्मस्ले वितरण गर्दैछ ।
-1737520655.JPG)
