रामबाबु गुरुङ निर्देशित ‘डिग्री माइला’को ट्रेलर सार्वजनिक

फिल्म

गृहपृष्ठ
फिल्म
रामबाबु गुरुङ निर्देशित ‘डिग्री माइला’को ट्रेलर सार्वजनिक

रामबाबु गुरुङ निर्देशित ‘डिग्री माइला’को ट्रेलर सार्वजनिक

सोमबार, चैत १२, २०८० रंगसंसार

वैशाख १ गते रिलिज तयारीमा रहेको रामबाबु गुरुङ निर्देशित फिल्म ‘डिग्री माइला : एमए थर्ड क्लास’को ट्रेलर सार्वजनिक भएको छ । शुक्रबार आयोजित पत्रकार सम्मेलनमा बाँसुरी फिल्म्सले ट्रेलर सार्वजनिक गरिएको हो ।

दयाहाङ राई र आँचल शर्माको शीर्ष भूमिका रहेको सोसल–ड्रामा फिल्मले ‘डिग्री माइला’ नामक चरित्रलाई पछ्याउँछ, जोसँग स्नातकोत्तरको प्रमाणपत्र त छ तर उसले पढेको ज्ञानलाई व्यवहारमा उतार्दैन ।

आदर्शवादी लाग्ने यो चरित्रले शैक्षिक बेरोजगारीमाथि व्यंग्य गर्छ । डिग्री माइला चरित्रमार्फत निर्देशकले मुलुकको राजनीतिक, सामाजिक र युवापुस्ताको अवस्थालाई चित्रण गर्ने प्रयास गरेका छन् । यसअघि सोही नाममा दयाहाङ निर्देशित नाटक समेत मञ्चन भइसकेको छ ।

फिल्म निर्माणमा बाँसुरी फिल्म्स र सुस्मा प्रोडक्सनले सहकार्य गरेका छन् । ओखलढुंगा र काठमाडौंमा छायांकन भएको फिल्ममा विजय बराल, माओत्से गुरुङ, बुद्धि तामाङ, प्रकाश घिमिरे समेत अभिनय छ ।

प्रकाशित मिति: सोमबार, चैत १२, २०८० १५:०२

प्रतिक्रिया दिनुहोस्