घनश्याम लामिछानेको निर्देशनमा तयार भएको फिल्म ‘लण्डन टू पेरिस’को प्रदर्शन मिति घोषणा गरिएको छ । बिहीबार निर्माताले एक रोमान्टिक पोस्टर सार्वजनिक गर्दै आगामी जेठ २५ गतेलाई प्रदर्शन मिति घोषणा गरेका हुन् ।
सार्वजनिक पोस्टरमा अभिनेत्री साम्राज्ञी राज्यलक्ष्मी शाह र नव-अभिनेता निश्चल खड्का प्रस्तुत छन् । उनीहरु एकअर्कालाई चुम्बन गरेको अवस्थामा चित्रित छन् ।
पोस्टरमा साम्राज्ञी शाह र निश्चलको चुम्बन र रोमान्टिक दृश्यलाई चित्रण गरिएको छ । कवीर खड्का, गरिमा शर्मा, रुष्मा थापा, मनिष श्रेष्ठ र मनीष गान्धीको पनि फिल्ममा अभिनय छ ।
यात्राको क्रममा हुने प्रेमकथालाई फिल्मले प्रस्तुत गर्छ । ‘धौली’ फेम्ड घनश्याम लामिछानेले निर्देशन गरेका हुन् । फिल्म निर्माणमा गौतम प्रोडक्सन र अर्चिड भेस फिल्स्स लिमिटेडले सहकार्य गरेका छन् । पटकथा प्रदीप भारद्वाजले लेखेका हुन् । फिल्ममा अमित बस्नेत, आरोन बस्नेत, एरियाना बस्नेत तथा परी राना निर्माताको रुपमा छन् ।
सिनेमामा अभेद परवको छायांकन, हर्कुलेस बस्नेत, एसडी योगी, बियोन्ड र सलिन मगरको संगीत, सजु चन्द्रनको सम्पादन, सुजिल कर्माचार्यको पार्श्व संगीत, लंगनेस फर्नान्डेजको नृत्य निर्देशन छ ।
