प्रदिप भट्टराई निर्देशन रहेको फिल्म ‘महाजात्रा’को दुई जोडी पात्रको पोस्टर सार्वजनिक भएको छ । पोस्टरमा विपिन कार्की र वर्षा राउत तथा दिव्य देव र गौमाया गुरुङको जोडीलाई सार्वजनिक गरिएको हो ।
फिल्मको विषयवस्तु पैसासँग जोडिएको भएपनि यसमा प्रेम पनि छ र यसमा हामीले देखाउने प्रेम अरू भन्दा फरक किसिमको हुने गरेको छ’, भट्टराईले भने, ‘जात्रै जात्रामा फणिन्द्र र सम्पदाको प्रेमलाई दर्शकले रुचाउनु भएको थियो । हामीले देखाएको प्रेममा युगल प्रेमसँगै मित्रता, परिवार र देश प्रति प्रेमको पनि छ । यसपटक जात्रा भन्दा माथि उठेर महाजात्रा गरेका छौँ ।’
फिल्ममा हरिवंश आचार्य, रवीन्द्रसिंह बानियाँ,रवीन्द्र झा अर्जुनजंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतका कलाकारहरुको अभिनय रहेको छ ।
म्याक्स दीपेश खत्री र यज्ञश्वर पौडेलको संयूक्त निर्माण रहेको फिल्मको डायस्पोरा प्रदर्शन अधिकार एमएसएम इन्टरटेनमेन्टले लिएको छ । जित बहादुर रुवाली एसोसियट निर्देशक रहेको फिल्ममा पुरुषोत्तम प्रधान छायाँकन, कुमार महर्जन द्वन्द्व निर्देशन, कविराज गहतराज नृत्य निर्देशन तथा आशिष अविरल संगीत रहेको छ । यो फिल्म चैत ९ गते नेपालसँगै विश्वभर एकसाथ प्रदर्शन हुनेछ ।
