चलचित्र ‘मनसरा’को छायाङ्कन सुरु

फिल्म

गृहपृष्ठ
फिल्म
चलचित्र ‘मनसरा’को छायाङ्कन सुरु

चलचित्र ‘मनसरा’को छायाङ्कन सुरु

सोमबार, पुस २३, २०८० रंगसंसार

लेखक तथा निर्देशक उपेन्द्र सुब्बाले चलचित्र ‘मनसरा’को छायाङ्कन सुरु गरेका छन् । ललितपुरको नख्खुमा रहेको एक मन्दिरमा चलचित्रको पूजाआजा गर्दै सुब्बाले छायाङ्कन सुरु गरेका हुन् । छायाङ्कनको पहिलो दिन चलचित्रकी शीर्ष अभिनेत्री मिरुना मगर र अभिनेता प्रवीण खतिवडाको दृश्य खिचिएको छ ।

यो चलचित्रमा अभिनेता दयाहाङ राईको जोडीका रूपमा मिरुना रहेकी छन् । लेखक तथा निर्देशक सुब्बाले चलचित्र ललितपुर र पाँचथरमा छायाङ्कन गरिने बताए । यो चलचित्र २०८१ वैशाख २१ गते रिलिज हुनेछ ।

यो चलचित्रमा मेनुका प्रधानको पनि अभिनय रहनेछ । शैलेन्द्र ध्वज कार्कीको छायाङ्कन रहने चलचित्रमा उनी नै निर्माता छन् । कबड्डी फिल्म्स्को ब्यानरमा ‘मनसरा’ निर्माण हुन लागेको हो । एप्पल इन्टरटेनमेन्टले वितरण गर्ने चलचित्रको डिजिटल पार्टनरका रूपमा जी–२१ रहेको छ ।