‘डिग्री माइला’को फर्स्टलुक पोस्टरमा गम्भिर मुद्रामा दयाहाङ

फिल्म

गृहपृष्ठ
फिल्म
‘डिग्री माइला’को फर्स्टलुक पोस्टरमा गम्भिर मुद्रामा दयाहाङ

‘डिग्री माइला’को फर्स्टलुक पोस्टरमा गम्भिर मुद्रामा दयाहाङ

बिहीबार, पुस १२, २०८० रंगसंसार

रामबाबु गुरुङ निर्देशित ‘डिग्री माइला’को फर्स्टलुक पोस्टर रिलिज भएको छ । सार्वजनिक पोस्टरमा सिनेमाका शीर्ष पात्र ‘डिग्री माइला’ बनेका दयाहाङ राईलाई एकल रुपमा प्रस्तुत गरिएको छ । पोस्टरमा उनलाई काठको बेन्चीमा गम्भिर मुद्रामा केही सोचिरहेको अवस्थामा देख्न सकिन्छ ।

बाँसुरी फिल्मसको ब्यानरमा निर्माण भएको यो सिनेमाले थर्ड डिभिजनमा मास्टर डिग्री पास गरेका एक शैक्षिक बेरोजगारको कथा पेस गर्छ । यही नाममाथि अभिनेता दयाहाङको निर्देशनमा केही वर्षअगाडि नाटकसमेत प्रदर्शन भइसकेको छ ।

सोही नाटकलाई सिनेमाका रुपमा पर्दामा प्रस्तुत गर्न लागेको बताइन्छ । बाँसुरी फिल्मस्ले सिनेमा निर्माणका लागि सुस्मा फिल्मस्सँग सहकार्य गरेको छ ।

सिनेमामा दयाहाङका अलावा आँचल शर्मा, विजय बराल, माओत्से गुरुङ, बुद्धि तामाङ, प्रकाश घिमिरेलगायतको अभिनय गर्नेछ । सिनेमा आगामी नयाँ वर्ष २०८१ मा रिलिज हुनेछ ।