पुस २७ गते प्रदर्शन तयारीमा रहेको फिल्म ‘पर्खी बसें तिमीलाई’को ट्रेलर सार्वजनिक भएको छ । फिल्मबाट रक्षा बुढाथोकी र अनिशा रसाइलीले डेब्यु गर्दैछन् ।
दीपक श्रेष्ठ निर्देशित फिल्म त्रिकोणात्मक प्रेमकथामा आधारित छ । सार्वजनिक ट्रेलरमा मुख्य पात्रको भेट, सामिप्यता र विछोडको कथा दर्शाइएको छ । यो फिल्मलाई राजाराम बुढाथोकीले निर्माण गरेका हुन् ।
रोमन फिल्म र तपश्री फिल्म्सको संयुक्त व्यानरमा निर्माण गरिएको फिल्ममा अनिशा रसाइली, शिव श्रेष्ठ, विल्सनविक्रम राई, सुनिता श्रेष्ठ लगायतका कलाकारले अभिनय गरेका छन् ।
फिल्ममा राजाराम बुढाथोकीको निर्माण रहेको छ भने कोमल गुरुङको सह–निर्माण, परिच्छेद सेन, मौनता श्रेष्ठ र पुरुषोत्तम ढुंगेलको लेखन, संकल्प भुजेलको छायांकन रहेको छ ।
शम्भुजीत बासकोटा, दीपक शर्मा, महेश खड्का र बाबुल गिरीको सङ्गीत, भुपेन्द्र अधिकारीको सम्पादन, मनोरञ्जन श्रेष्ठको कलर करेक्सन, रामजी लामिछाने र निशा रसाइलीको नृत्य निर्देशनरहेको फिल्मको छायांकन नेपालसँगै सिक्किमको रमणीय दृश्यमा गरिएको छ ।
-1737276179.jpg)
-1737270932.webp)
-1736928245.jpg)
