निर्देशक रामबाबु गुरुङले निर्देशन गरेको फिल्म ‘कबड्डी ४’ युट्युबमा सार्वजनिक भएको छ । मंगलबार निर्माण कम्पनी बाँसुरी फिल्म्सले आफ्नो युट्युब च्यानलमार्फत फिल्म सार्वजनिक गरेको हो । यस फिल्मले सर्वाधिक कमाइ गर्ने फिल्मको रेकर्ड राखेको थियो ।
यो फिल्म हलमा जेठ १३ गतेदेखि प्रदर्शन भएको थियो । फिल्मले सफलताका साथ हलमा ५१ औं दिन मनाएको थियो । समाजिक कथावस्तुलाई कमेडीमार्फत प्रस्तुत गरिएको फिल्मले बक्स अफिसमा २२ करोड रूपैयाँ कमाइ गरेको थियो । फिल्मले नेपालमा मात्र नभई विदेशी बजारमा पनि राम्रो प्रदर्शन गरेको थियो ।
फिल्ममा दयाहाङ राई, सौगात मल्ल, मिरूना मगर, गौमाया गुरुङ, बुद्धि तामाङ, विजय बराल, कमलमणि नेपाल, पुष्कर गुरुङ, कविता आले, जयनन्द लामा, प्रकाश घिमिरे, माओत्से गुरुङ, शरद अधिकारीलगायत कलाकारको अभिनय छ ।
बाँसुरी फिल्म्स र सुष्मा प्रोडक्सनको प्रस्तुतिमा तयार भएको फिल्ममा शैलेन्द्र डी कार्कीको छायांकन, निमेष श्रेष्ठको सम्पादन, कालीप्रसाद बाँस्कोटा, एसडी योगी, अनुपम शर्माको संगीत, रामबाबु गुरुङ र उपेन्द्र सुब्बाको लेखन छ ।
-1737276179.jpg)
-1737270932.webp)
-1736928245.jpg)
