लामो समयको प्रतीक्षाका बिच दीपेन्द्र के खनाल निर्देशित चलचित्र ‘पशुपति प्रसाद २- भष्मे डन’को ट्रेलर रिलिज भएको छ ।
ट्रेलरमा यसअघिको चलचित्र‘पशुपति प्रसाद’को प्रमुख पात्र पशुपति प्रसादको मृत्यु पश्चात् पशुपति क्षेत्रमा आफ्नो अस्तित्व स्थापित गर्न सङ्घर्षरत ‘भष्मे डन’को जीवनमा आइपर्ने विभिन्न घटनाक्रमलाई देखाइएको छ । ट्रेलरमा चलचित्र सबै प्रमुख कलाकारहरूलाई स्थान दिइएको छ । भष्मे डनको आफ्नो परिचय र आत्मसम्मानको लागि गर्ने शक्ति सङ्घर्षको कथामा यो चलचित्र निर्माण गरिएको छ ।
टुकी आर्ट्सको ब्यानरमा निर्माण भएको चलचित्रलाई निर्माता तथा अभिनेता खगेन्द्र लामिछानेले लेखेका हुन् । चलचित्रको निर्माता पनि उनी स्वयं हुन् । नीरज कँडेलको डिओपी, कृष्ण थापाको छायाङ्कन, दीर्घ खड्काको सम्पादन, कृष्ण भारद्वाजको सङ्गीत रहेको छ ।
चलचित्रमा सौगात मल्लका अलावा विपिन कार्की, स्वस्तिमा खड्का, रवीन्द्र सिंह बानियाँ, माओत्से गुरुङ, प्रकाश घिमिरे, लोकेन्द्र लेखक, मिस्री थापा, सजन थापा मगर, विभु पौडेल, प्रकाश दाहालको पनि अभिनय रहेको छ । चलचित्रमा अभिनेता तथा निर्माता खगेन्द्र लामिछाने र अभिनेत्री वर्षा सिवाकोटी पनि विशेष भूमिकामा देखिनेछन् ।
व्यावसायिक तथा समीक्षात्मक रूपमा सफल चलचित्र ‘पशुपति प्रसाद’को चरित्र ‘भष्मे डन’मा केन्द्रित सिक्वेलको रूपमा निर्माण गरिएको हो । चलचित्रलाई नेपालमा डिसिएन, टि फक्स र रिच इन्टरटेनमेन्ट अनि भारतमा सुष्मा प्रोडक्सन र विश्वभर सेभेन सिजले वितरण गर्दैछन् । यो चलचित्र कार्तिक ४ गते रिलिज हुँदैछ ।
-1737103405.jpg)
-1736928245.jpg)
