सिमोस सुनुवारले निर्देशन गरेको फिल्म ‘हात्तीछाप’का मुख्य कलाकारहरुको लुक्स सहित नयाँ पोष्टर सार्वजनिक भएको छ ।
सार्वजनिक पोष्टरमा एउटामा सौगात बन्दुकलाई काँधमा राखेर घोडामाथि सवार छन् । दयाहाङ भने काखमा पाडो बोकेर खुसी भावमा देखिएका छन् । उनको साथमा अभिनेत्री उपासना सिंह ठकुरी घाँसको मुठा काखी च्यापेर प्रस्तुत छन् । यसले उनीहरु जोडीको भूमिकामा रहेको संकेत गर्छ । दोस्रो पोष्टरमा फिल्मका मुख्य कलाकारहरु दयाहाङ राई, सौगात मल्ल, उपासना सिंह ठकुरी, बेनिशा हमाल, बुद्दि तामाङ, विल्सन विक्रम राई, बिजय बराल समावेश छन् ।
किरण नेपालीको प्रस्तुतिमा तयार भएको फिल्ममा प्रदीप भारद्धाजको लेखन, सुशन प्रजापतिको छायांकन, निमेष श्रेष्ठको सम्पादन, रामजी लामिछानेको कोरियोग्राफी छ । पुष्कर गुरुङ र अमलादेवी राइको लगानी रहेको फिल्मका कार्यकारी निर्माता सरोज नेपाली हुन् ।
यो फिल्ममा कमलमणी नेपाल, पुष्कर गुरुङ, प्रकाश घिमिरे, भोलाराज सापकोटा, बिनोद न्यौपाने, कबिता आले, सुष्मा निरौला, रीयर राई, अनुप न्यौपाने, स्वस्तिका खड्का, नारायण खाती, अनिता गिरी, बेनु भुजेलको पनि मुख्य भूमिका छ । फिल्म माघ २६ गतेबाट रिलिजमा आउन हुनेछ ।
-1737103405.jpg)
-1736928245.jpg)
