अनिल शर्माले निर्देशन गरेको बलिउड अभिनेता सन्नी देओलको फिल्म ‘गदर २’ ले बक्स अफिसमा दिनहुँ नयाँ नयाँ रेकर्ड बनाइरहेको छ । यो फिल्मले १० दिनमा देशमा ३७५.१० करोडको व्यापार गरि ४०० करोडको आँकडातर्फ अघि बढेको छ ।
अगस्ट ११ मा रिलिज भएको गदर २ ले रिलिजको दोस्रो साता (शुक्रवारदेखि आइतबारसम्म) मा ९०.४७ करोड भारु कमायो ।
गदर २ ले धेरै सफल फिल्मको कीर्तिमानलाई पछाडि पार्यो । वर्षको सुरुमा रिलिज भएको शाहरुख खानको फिल्म ‘पठान’ले दोस्रो साताको अन्त्यमा ६३.५ करोड कमाएको थियो ।
फिल्म समीक्षक तरण आदर्शका अनुसार दोस्रो सप्ताहन्तमा प्रभासको ‘बाहुबली २’ ले ८०.७५ करोड, यशको ‘केजीएफ–२’ ले ५२.४९ करोड, आमिर खानको ‘दंगल’ ले ७३.७ करोड र रणवीर कपूरको ‘सञ्जु’ ले ६ करोड ७९ करोडको कारोबार गरेको थियो ।
गदर–२ ले शुक्रवार २०.५ करोड, शनिवार ३१.०७ र आइतबार ३८.९ करोडको व्यापार गरेको छ । गदर–२ सन् २००१ मा रिलिज भएको गदर–एक प्रेम कथाको सिक्वेल हो । यो चलचित्रलाई समीक्षक र फ्यान दुवैले मन पराएका छन् ।
फिल्ममा सनी देओल, अमीषा पटेल, उत्कर्श शर्मा, मनिष वधवा, गौरव चोपडा, लुभ सिन्हा, सिम्राट कौरलगायत कलाकारको अभिनय छ। फिल्मको कथा शक्तिमान तलवारले लेखेका हुन् ।
-1736928245.jpg)
-1736920513.jpg)
-1736928245.jpg)
