छायाँकन भइरहेको फिल्म ‘हात्तीछाप’को डिजिटल राइट्स बिक्री भएको छ । फिल्मको छायाँकन सुरु भएको एक साता बढी भयो ।
निर्माता किरण नेपालीका अनुसार फिल्मको नेपाली र हिन्दी भाषाको डिजिटल राइट्स ओएसआर डिजिटलले खरिद गरेको हो। आइतबार निर्माता नेपाली र ओएसआरका प्रमुख ओम अग्रवालबीच कागजी सम्झौता भएको छ।
सिमोस सुनुवारको निर्देशनमा तयार भइरहेको फिल्ममा दयाहाङ राई, सौगात मल्ल, उपासना सिंह ठकुरी, बेनिशा हमाल, वुद्दि तामाङ, विजय बराल, विल्सन विक्रम राई, राजन खतिवडा, रविन्द्र झा, कमलमणी नेपाल, पुष्कर गुरुङ, प्रकाश घिमिरे, विनोद न्यौपाने, कविता आले, सुष्मा निरौला लगायतका कलाकारको अभिनय छ। यो फिल्ममा सुसन प्रजापतिको छायांकन, प्रदीप भारद्धाजको कथा लेखन छ। फिल्मको प्रदर्शन मिति तय भइसकेको छैन।
निर्माता नेपालीले फिल्मलाई हिन्दी भाषामा पनि डबिङ गर्ने तयारी भइरहेको बताए।
-1737017651.jpg)
-1736928245.jpg)
-1736920513.jpg)
