असार २९ मा ‘बगान’

फिल्म

गृहपृष्ठ
फिल्म
असार २९ मा ‘बगान’

असार २९ मा ‘बगान’

बिहीबार, जेठ ३२, २०८० रंगसंसार

अभिनेता सरोज खनालको डेब्यु निर्देशन रहेको फिल्म ‘बगान’ असार २९ मा प्रदर्शन हुने भएको छ । आफ्नो कलाकारिताबाट सङ्गालेको अनुभवलाई प्रयोग गर्दै निर्देशकीय यात्राको प्रारम्भ गरेका खनालले देब्यी फिल्ममा सामाजिक विषयवस्तुलाई उठाएका छन् । उनले समाजमा दबिएको पारिवारिक विषयवस्तुलाई समाजमै चित्रण गर्ने कोसिस गरेका छन् ।

‘फिल्मले समाजलाई मार्गदर्शन पनि गर्न सक्नुपर्छ । हामीले मनोरञ्जनसँगै सामाजिक विषयलाई फिल्ममार्फत प्रस्तुत गर्दैछौँ’, निर्देशक खनालले भने । यसमा निर्देशक खनालसँगै नीर शाह, वसुन्धरा भुसाल, करिश्मा मानन्धर, मिथिला शर्मा, प्रमिला कार्की, आकाश श्रेष्ठलगायत कलाकारले अभिनय गरेका छन । एकल महिलाको वेदना, छटपटी र खुसीको चाहनालाई प्रस्तुत गरिएको उक्त फिल्मलाई गीतकार सुरेश वाग्लेले निर्माण गरेका हुन। ।

‘हामीले निर्माण गर्ने फिल्मको प्रभावले समाज एक किसिमको जागरण ल्याउनु पर्छ भनेर यो विषय रोजेको हुँ । किनकि फिल्म समाजको ऐना मात्र नभई मार्गचित्र पनि हो’, निर्माता वाग्लेले भने । यसलाई काठमाडौँ उपत्यकामा करण श्रेष्ठले रीच इन्टरटेनमेन्टमार्फत वितरण गर्दैछन् । ‘बगान जस्ता फिल्मलाई निर्माताबाट प्रदर्शकसम्म पुर्‍याउन पाउँदा खुसी लाग्छ’, उनले भने ।

प्रकाशित मिति: बिहीबार, जेठ ३२, २०८० १३:१०

प्रतिक्रिया दिनुहोस्