दक्षिण भारतीय अभिनेता प्रभास र अभिनेत्री कृति सेनन अभिनीत बहुप्रतिक्षित फिल्म ‘आदिपुरुष’ को नयाँ मोसन पोस्टर सार्वजनिक भएको छ ।
निर्देशक रोम राउतको फिल्म ‘आदिपुरुष’ को अर्को मोसन पोस्टर सार्वजनिक भएको हाे । फिल्मको मोसन पोस्टर अप्रिल २९ गते सीता नवमीको अवसरमा सार्वजनिक गरिएको हो । यस पोस्टरमा कृति सिताकाे अवतारमा देखिएकी छिन् ।
फिल्मकर्मीले मोसन पोस्टरमा ‘राम सिया राम’ गीत पनि प्रयोग गरेका छन् । पोस्टरमा कृति पहेँलो रङको साडीमा देखिएकी छिन् । कृतिले आफ्नो सामाजिक सञ्जालमा फिल्मको मोसन पोस्टर पनि शेयर गरेकी छिन् । उनको पोस्टमा फ्यानले लगातार कमेन्ट गरिरहेका छन् ।
यसअघि फिल्म निर्माताले सन् २०२२ मा फिल्मको टिजर रिलिज गरेका थिए । तर, टिजरलाई दर्शकले खासै रुचाएनन् । धेरै प्रयोगकर्ताको गुनासो थियो कि फिल्ममा भिजुअल इफेक्टको धेरै कम स्तरकाे प्रयोग गरिएको छ ।
त्यसपछि भिजुअल इफेक्टमा काम गर्न फिल्मको रिलिज मिति थपिएको थियो । फिल्म जनवरी २०२३ मा रिलिज हुने थियो तर अब फिल्म १६ जुनमा रिलिज हुँदैछ ।
फिल्ममा कृति र प्रभाससँगै सैफ अली खान, अमिताभ बच्चन, काजोल, सन्नी सिंह, कीर्ती सुरेश, सोनल चौहान, वत्सल सेठ र तृप्ती तोरडमलको पनि अभिनय रहनेछ । जुनमा न्युयोर्कमा हुने ट्रिबेका फिल्म फेस्टिभलमा फिल्मको वर्ल्ड प्रिमियर हुनेछ ।
