फोटो सेयर गर्दै सिमोस सुनुवारले गरे ‘झ्यानाकुटी २’ आउने संकेत

फिल्म

गृहपृष्ठ
फिल्म
फोटो सेयर गर्दै सिमोस सुनुवारले गरे ‘झ्यानाकुटी २’ आउने संकेत

फोटो सेयर गर्दै सिमोस सुनुवारले गरे ‘झ्यानाकुटी २’ आउने संकेत

शुक्रबार, फागुन १२, २०७९ रंगसंसार

फिल्म निर्देशक सिमोस सुनुवार यतिबेला टेलिभिजन रियालिटी शोहरुको निर्देशनमा व्यस्त छन् । उनी निर्देशित टीभी शो ‘हिमालय लोकस्टार’ प्रसारण भइरहेको छ भने ‘हिमालय रोडिज’ पनि आउने तयारीमा छ । यस्तोमा उनी केही फिल्म निर्देशनको पनि तयारीमा छन् ।

सुनुवारले निर्देशन गर्ने फिल्म ‘हात्तीछाप’ तत्काल छायांकनमा जाने तयारीमा छ । यसबाहेक उनकै निर्देशनमा भुवन केसीको फिल्म ‘पारस’ छायांकनमा जान सक्ने सम्भावना छ । यसैबीच, उनले २०७४ सालमा रिलिज भएको आफू निर्देशित फिल्म ‘झ्यानाकुटी’को दोस्रो शृंखला आउने तयारी भइरहेको जनाएका छन् ।

अभिनेत्री बेनिशा हमाल र अभिनेता दीपकराज गिरीको तस्वीर पोस्ट गर्दै उनले ‘झ्यानाकुटी २’ आउने संकेत दिएका हुन् । हुन त आगामी शुक्रबार रिलिज हुन लागेको ‘छक्कापञ्जा ४’ प्रचारका लागि सुनुवारले उक्त पोस्ट गरेका थिए तर उनले सोही सन्दर्भमा ‘झ्यानाकुटी’को प्रसंग उप्काए ।

दीपकराज गिरी र दीपाश्री निरौला तयार भए फिल्ममा कास्ट गर्न इच्छुक रहेको सिमोसले बताए । ‘झ्यानाकुटी’को पहिलो भागमा सौगात मल्ल र बेनिशा शीर्ष भूमिकामा थिए जसलाई प्रदीप भारद्वाजले लेखेका हुन् । यो फिल्मले बक्स अफिसमा राम्रो कमाइ गरेको थियो । भारद्वाज पनि सिक्वेलका लागि जुटिरहेका छन् ।

प्रकाशित मिति: शुक्रबार, फागुन १२, २०७९ १२:३६

प्रतिक्रिया दिनुहोस्