आर्यनको फिल्म ‘डिसेम्बर फल्स’ले तान्न सकेन दर्शक

फिल्म

गृहपृष्ठ
फिल्म
आर्यनको फिल्म ‘डिसेम्बर फल्स’ले तान्न सकेन दर्शक

आर्यनको फिल्म ‘डिसेम्बर फल्स’ले तान्न सकेन दर्शक

मंगलबार, पुस १९, २०७९ रंगसंसार

फिल्म प्रदर्शनअघि ‘डिसेम्बर फल्स’का निर्माता रामप्रसाद रिजालले दुईवटा दाबी गरेका थिए । पहिलो- फिल्मले ९ करोड रुपैयाँ कमाउँछ र दोस्रो- यो फिल्म फाइभस्टारको मःम हो । निर्माताको दाबी विपरीत यो फिल्मले बक्स अफिसमा कमजोर व्यापार गरेको छ । ल्होसार र अंग्रेजी नयाँवर्ष २०२३ को छेकोलाई समेत फिल्मले आफ्नो हितमा प्रयोग गर्न सकेन ।

पहिलो सप्ताहन्तमै ‘वर्ड अफ माउथ’ प्राप्त गर्न नसकेपछि ठूला मल्टिप्लेक्सले शोमा कटौती गरेका छन् । शुक्रबार र शनिबार दुई दर्जन शो दिएको क्यूएफएक्सले सोमबार १६, मंगलबार ९ र बुधबार २ शो दिएको छ ।

बिग मुभिजले सोमबार तीन शो दिएको छ भने वान सिनेमाजले सोमबार पाँच र मंगलबार तीन शो दिएको छ । शो कटौतीको अर्थ फिल्मको व्यापारमा गिरावट आएको छ भन्ने हो । फिल्मले दर्शकलाई हलसम्म तान्न अपील सिर्जना गर्न सकेन । शुक्रबार ४० प्रतिशत हाराहारीमा ओपनिङ अकुपेन्सी रहे पनि सोमबारको अकुपेन्सी १० प्रतिशतभन्दा तल छ जुन निकै कमजोर हो ।

फिल्ममा आर्यन सिग्देल, उपासना सिंह ठकुरी, सलोन बस्नेत लगायतको अभिनय छ ।

प्रकाशित मिति: मंगलबार, पुस १९, २०७९ १३:०८

प्रतिक्रिया दिनुहोस्