पुस २९ गतेदेखि प्रदर्शनमा आउने नेपाली चलचित्र ‘गुञ्जन’ को ट्रेलर सार्वजनिक भएको छ । एक मिनेट ४५ सेकेन्ड लामो ट्रेलरमा प्रेम, विछोड तथा बदलाको भावनालाई चित्रण गरिएको छ । ट्रेलरमा चलचित्रका तीन मुख्य कलाकार सारा सिर्पाली, प्रितमराज सेन्चुरी र कबिर खड्कालाई देख्न सकिन्छ ।
अष्ट महर्जनको निर्देशन रहेको चलचित्रमा सारा, प्रितम र कबिरसंगै सरोज खनाल, हिउँवाला गौतम, रोहन शाही, निरुता स्याङतान, कन्चन चालिसे, सुस्मिता बराल, इभा श्रेष्ठ, अमोद भट्ट, आइपी आचार्य, ऋचा शर्मा, अमेश न्यौपाने लगायतका कलाकारको अभिनय छ ।
विगत दुई दशकदेखि चलचित्रको द्वन्द निर्देशन गर्दै आएका अष्ट महर्जनको यो निर्देशन डेब्यु चलचित्र हो । प्रितमराजले पनि यसै चलचित्रबाट अभिनयमा डेब्यु गरेका हुन् ।
हिराकृष्ण शाहीको प्रस्तुति र सुनिता शाही निर्माता रहेको फिल्म ए.एच इन्टरटेन्मेन्टको ब्यानरमा निर्माण भएको हो ।
-1736748772.jpg)
-1736673996.jpg)
