‘कान्तारा’ ले कमायो ४०० करोड

बलिउड / हलिउड

गृहपृष्ठ
बलिउड / हलिउड
‘कान्तारा’ ले कमायो ४०० करोड

‘कान्तारा’ ले कमायो ४०० करोड

बिहीबार, मंसिर ८, २०७९ रंगसंसार

कन्नड भाषाको फिल्म ‘कान्तारा’ ले हरेक दिन नयाँ कीर्तिमान बनाइरहेको छ । यस्तैमा फिल्मले अर्काे नयाँ उपलब्धि थपेको छ । फिल्मले ४०० करोड कमाएर नयाँ कीर्तिमान कायम गरेको हो । ट्रेड एनालिस्ट तरण आदर्शले फिल्मको पछिल्लो कलेक्शन शेयर गर्दै यो जानकारी दिएका हुन् ।

कर्नाटकमा मात्रै फिल्मले १६८ करोड कमाएर केजिएफ २ लाई पछाडि पारेको छ । कम बजेट (१८ करोड) मा बनेको यो फिल्मको आम्दानी देखेर सबै छक्क छन् । फिल्मले चाडै रणवीर कपूरको ‘ब्रह्मास्त्र’ र कमल हासनको विक्रमको ब्यवसाय पार गर्ने अनुमान गरिएको छ ।

कान्तारा रिलिज भएको ५० दिन भन्दा बढी भइसक्यो । तर फिल्मको कमाइको रफ्तार एकनास छ । हिन्दी संस्करणमा मात्र फिल्मले ८२ करोड कलेक्सन गरेको छ, जुन हालै रिलिज भएका कैयौं फिल्म भन्दा माथि छ । तेलुगु संस्करणमा पनि फिल्मले ४२ करोडको व्यापार गरेको छ । ओभरसीजबाट मात्रै फिल्मको कलेक्सन ४४ करोडको हाराहारीमा छ ।

ऋषभ शेट्टी स्टारर फिल्म ३० सेप्टेम्बरमा हलमा रिलिज भएको थियो । रिलिजको सुरुवाती दिनमा फिल्मको कमाई निकै सुस्त भए पनि बिस्तारै गति लिएको थियो ।

प्रकाशित मिति: बिहीबार, मंसिर ८, २०७९ १६:०१

प्रतिक्रिया दिनुहोस्