बिहेको संकेत गर्दै मलाइका

बलिउड / हलिउड

गृहपृष्ठ
बलिउड / हलिउड
बिहेको संकेत गर्दै मलाइका

बिहेको संकेत गर्दै मलाइका

शुक्रबार, कात्तिक २५, २०७९ रंगसंसार

बलिउड अभिनेत्री मलाइका अरोरा र अभिनेता अर्जुन कपूरको प्रेम सम्बन्धबारे निकै चर्चा हुने गर्छ। उनीहरूले आफ्नो सम्बन्धबारे खुलेआम स्वीकार गर्दै आइरहेका छन्।

मलाइकाले अरबाज खानसँग सम्बन्ध विच्छेद गरेपछि उनीहरूको प्रेम सम्बन्धको चर्चा चलेको हो। ४९ वर्षीया मलाइका र ३७ वर्षीय अर्जुनको उमेर अन्तरले पनि उनीहरूको सम्बन्धमा धेरैले चासो दिइरहेका हुन्छन्। अर्जुन उमेरमा मलाइकाभन्दा १२ वर्ष कान्छा छन्।

लामो समयदेखि उनीहरूले विवाह गर्न लागेको चर्चा पनि हुँदै आइरहेको छ। यसैबीच मलाइकाले इन्स्टाग्राममा एक पोस्ट गर्दैै बिहेको संकेत दिएकी छन्। उनले एक तस्बिर सार्वजनिक गर्दै लेखेकी छन्, ‘मैले हुन्छ भनेँ।’ साथमा उनले पानको पात अंकित दुई ओटा औंठीको इमोजी पनि सेयर गरेकी छन्।

उनको उक्त पोस्टमा धेरैले बिहे गर्न लागेको भन्दै बधाई दिइरहेका छन्। तर मलाइकाले इन्गेजमेन्टबारे खुलेर कुरा गरेकी छैनन्। न त उनले उक्त पोस्ट अर्जुन कपूरलाई ट्याग गरेकी छन्।

प्रकाशित मिति: शुक्रबार, कात्तिक २५, २०७९ १३:०६

प्रतिक्रिया दिनुहोस्