एजेन्सी : फिफा विश्वकपको गीत ‘लाइट द स्काई’ मा बलिउड अभिनेत्री नोरा फतेहीले आफ्नो प्रस्तुति दिने भएकी छन् । कतारमा हुन लागेको फिफा विश्वकप फुटबल २०२२ मा नोराले आफ्नो प्रस्तुति दिन लागेको भारतिय मिडियाले जनाउका छन् ।
फिफाले विश्वकपका लागि आफ्नो गीत ‘लाइट द स्काई’ सार्वजनिक गरेको छ । यो गीतमा नोरा फतेही पनि नाच्दै देखिने छिन् । नोराले फिफाको उद्घाटन र समापन समारोहमा आफ्नो प्रस्तुति दिनेछिन् ।
साथै उनले समापन समारोहमा एक लोकप्रिय हिन्दी गीतमा नाच्ने भारतिय मिडियाले उल्लेख गरेका छन् ।यसअघि जेनिफर लोपेज र सकिराजस्ता विश्व प्रसिद्ध सेलिव्रिटीले विश्वकपमा आफ्नो उत्कृष्ट प्रस्तुति दिइसकेका छन् । फुटबलको सबैभन्दा ठूलो प्रतियोगिता फिफा विश्वकप एसियाली राष्ट्र कतारले आयोजना गरेको हो ।
