डा. भोला रिजालका छोरा डा. कपिल रिजालद्वारा निर्देशित पहिलो फिचर चलचित्र ‘ह्यारी कि प्यारी’को प्रदर्शन मिति हेरफेर भएको छ । यही कात्तिक २५ गतेलाई प्रदर्शन मिति तोकिएकोमा अब यो चलचित्र आगामी माघ २० गतेबाट प्रदर्शन हुने भएको छ । प्रतिनिधि सभा र प्रदेश सभाको चुनाव र कतारमा हुन लागेको विश्वकपले गर्दा निर्माण टिमले चलचित्रको प्रदर्शन मिति धकलेको हो ।
यसै साता काठमाडौंमा चलचित्रको एक क्लब गीतको छायांकन र पोस्टरका लागि कलाकारहरुको फोटोसुट गरिएको थियो । चलचित्रमा जितु नेपाल, साम्राज्ञी आरएल शाह, विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनाललगायतको अभिनय छ । चलचित्रमा अभिनेत्री रेखा थापा केमियो भूमिकामा प्रस्तुत छिन् ।
डा. कपिल रिजालको प्रस्तुति रहेको चलचित्रमा कथा रिजाल स्वयं, पटकथा तथा संवाद सुदीप बराल, गिरीराज घिमिरे, डा. रिजाल र अभिमन्यू निरवीले लेखेका हुन् । भोला रिजालको गीत रचना, शिखर सन्तोष र युग भुषालको संगीत, सपनकुमार राई, सौभर दास, थोम्सन एन्ड्रयुज, मीना निरौला र देवाञ्जली जोशीको गायन र कविराज गहतराजको कोरियाग्राफी रहेको चलचित्रमा सुदीप बरालको छायांकन र अर्जुन जिसीको सम्पादन छ ।
-1736673996.jpg)
-1736665559.jpg)
-1736659266.jpg)
-1736414579.jpg)
-1736412704.png)
-1736401413.jpg)
-1736400745.jpeg)
-1736673996.jpg)
