चलचित्र ‘पानीफोटो’को ट्रेलर सार्वजनिक गरिएको छ । मंगलवार निर्देशक खगेन्द्र लामिछानेको जन्मदिनको अवसर पारेर राजधानीमा आयोजित एक कार्यक्रमबीच चलचित्रको ट्रेलर सार्वजनिक गरिएको हो । दुई मिनेट ४५ सेकेन्ड लामो ट्रेलरमा सशस्त्र द्वन्द्वकालमा अपहरणमा परेर बेपत्ता भएको छोराको खोजीमा रहेको एक दम्पत्तिको कथा देखाइएको छ ।
चलचित्रको ट्रेलरमा अभिनेता अनुप बराल र अभिनेत्री मेनुका प्रधानको अभिनयले दर्शकको मन छुन्छ । छोरा खोज्न उनीहरूले खेपेको दुःख, पीडा र हैरानीले भावुक बनाउँछ । संवाद थोरै भएपनि अभिनेत्री मलिका महतको ट्रेलरमा उपस्थिति बलियो देखिएको छ ।
आगामी साउन १३ गतेबाट प्रदर्शनमा आउन लागेको चलचित्रमा प्रकाश घिमिरे, माओत्से गुरुङ, बुद्धि तामाङ, राधा श्रेष्ठ, कमलमणि नेपाल, अशान्त शर्मा, अजस्र ढुङ्गाना, कमल देवकोटा, पुष्पा यादव, सुलक्क्षण भारती, टिकाभक्त जिरेल, अनोज पाण्डे, अनिल पाण्डे, अर्जुन पौडेल, नवराज गिरी लगायतका कलकारको पनि अभिनय छ । यसको निर्मातामा रोजिना सिटौला र रविन्द्र बज्राचार्य छन् ।
चलचित्रमा दीपक बज्राचार्यको छायांकन, निमेष श्रेष्ठको सम्पादन, घनश्याम श्रेष्ठको आर्ट डिरेक्सन, अर्जुन कार्कीको स्थलगत सम्पादन,जुनीम गहतराजको कलर, किशोर आचार्यको साउण्ड र पुष्पा संगमको पाश्र्व सङ्गीत छ । टुकी आट्र्स र मन्जुश्री फिल्म्सले निर्माण गरेको चलचित्रको कथा लेखन खगेन्द्र स्वयंको हो । डेढ दशक अगाडि गुरुकुलमा मञ्चन गरिएको नाटक ‘पानी फोटो’लाई खगेन्द्रले चलचित्रको रुपमा ढालेका हुन् ।
-1736414579.jpg)
-1736412704.png)
-1736401413.jpg)
-1736400745.jpeg)
-1736321212.jpg)
-1736414579.jpg)
