माधवराज खरेलको निर्देशन रहेको चलचित्र ‘चिट्ठी’को छायाङ्कन सकिएको छ । निर्माण युनिटले बुधबार चलचित्रको अन्तिम दृश्य खिच्दै चलचित्रको इन्ड क्ल्याप गरेको हो । एरा प्रोडक्सनको ब्यानरमा निर्माण भएको यो चलचित्रमा सञ्जित भण्डारी, कमेडी च्याम्पियनका सेकेन्ड रनर्सअप खड्गबहादुर पुनमगर खवपु, गोपाल ढकाल छन्दे, नबुजंग थापा, मुस्कान लामा, प्रवन भुषाल, कञ्चन चालिसेका साथै शान्तिप्रिय, श्रीदेव भट्टराई, नम्रता खरेल पौडेल, मोहन निरौला, रश्मि भट्ट, उद्धव भट्टराई, कृष्ण भट्टराई, डेविलसिंह राजपुत, राजन थापा, पुरुषोत्तम सानु, पूर्ण राई, राजु कार्की, रन्जु गुरुङ, मुना निरौला, कविन्द्र त्रिपाठी लगायतका कलाकारको अभिनय देख्न सकिन्छ ।
जीवन पराजुलीको छायाङ्कन रहेको छ । चलचित्रमा सरोज कोइराला, जुगल डंगोल र राजेन्द्र बजगाईंको संगीत छ भने चलचित्रका गीतहरू डा.कृष्णहरि बराल, कमला जोशी र शान्तिप्रियले लेखेका हुन् । निर्देशक खरेलकै लेखन रहेको चलचित्र कमला जोशीले बनाएकी हुन् । चलचित्रमा राजेशकुमार तथा समिर मियाँको सम्पादन छ । सन् २०२२ भित्रै चलचित्र प्रदर्शन हुने निर्माण युनिटले जनाएको छ ।
