अभिनेत्री केकी अधिकारीको मुख्य भूमिका रहेको चलचित्र ‘सिल्ली फो’ ३१ असारमा प्रदर्शन हुने भएको छ । निर्माण युनिटले मंगलबार चलचित्रको एक पोष्टर सार्वजनिक गर्दै चलचित्रको रिलिज मिति घोषणा गरेका हो ।
राजबहादुर सानेको लेखन तथा निर्देशन रहेको छ । मनोज डिके निर्माता रहेको चलचित्रमा केकीका अलावा धीरेन शाक्य, रवीन्द्र झा, राजाराम पौडेल, दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल (मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट (सागर), सौजन बोहोरा, जयमन बिश्वकर्मा लगायतका कलाकारको अभिनय छ ।
देव महर्जनको द्वन्द्व, शिव विकको कोरियोग्राफी, पुरुषोत्तम न्यौपानेको संगीत, तारा थापा ‘किम्भे’को सम्पादन रहेको चलचित्रलाई श्रीराम बालाजी फिल्मस्ले देशभर वितरण गर्दैछ ।
